Sabak

Logon ne sahi kahaa hai

Nakal ke liye bhi akal chahiye hoti hai

kaatne ke liye phasal chahiye to

ugane ke liye mehnat chahiye hoti hai.

ladwane ke liye dimaag chahiye to

divide and rule ko barkarar rakhne ke liye samay befijool chahiye

Chanakya chale gaye lekin apne peeche apni toli chor gaye

ghar ghar me baithe yeh rajnitigya saari hado ko tod gaye

Mare hue Buzoorgon ke gadhe murdo se lekar paida hue bachchon ko bhi na chora

Hath pair sirf na toda apne meethe jubaan ki chaaku se dil ke har ghao ko tumne phoda

Jitendar ki matki na samjho ise meri jaan

Dil he yeh mera

Tathaiya tathaiya ho karke toote tumhare joote na ronde ise

dhool me yeh toote tukde kahin kho jayenge

Kehti reh gaya upar likhe yeh baatein but itni shor me chup gayi uki Awaaz

Bewakoof chote dimaag wale ne dikha diya woh hai chaalbaaz

Madhur Muskaan se kaatte gaye woh saare jadh

Bhoomika band woh badhate gaye kamino ka gadh

Par kisi ne khoob kaha hai jhooth ki ayu nahi hoti lambi

ek din mile do aise ajnabi

kar rakha tha isi divide and rule ne unhe door

baaton hi baaton me ho gaya dono ke man mutaaw kafoor.

Phir soojh boojh aur samajhdari se trast kiya in bewakoofon ke iraade

ek aur ek gyarah hue yeh dono seedhe saadhe

Are mere Priya jan

baste ho jo tum har khaandan me

Ek baat yaad rakhna hamesha

apne koo karmo se jaaoge jald peek dan me

Nek Iraado se jahaan tum jeette sabka dil

in ochi harkaton ne ab kar diya hai tumhara muh sil

Isliye kehte hai doston sada lambi socho

karm achche rakho aur dukhyare ke asoon pocho.

Karm se pehchane jaoge tum is jahaan me

achche karmo pe taarife hongi tumhari shaan me

Bade seedhe shabdo me kiya hai maine bayan

saalon se maana gaya hai buzoorgon ka yeh gyaan.

Dhaagon ko gaathon se jodti gayi

Main sahi tum sahi aur sahi hai hum
ek din na main rahungi na tum rahoge aur na rahenge hum.

jo koshish kar humne rishte ko bandhna chaha
bhoole naate yaad aye unhe unke toote dor se bandhna chaha
woh chote chote gaanth har toote rishte pe padte gaye

Koi mujhe aake sikhaye bina gaanth koi dor kaise judte hain
ganthbandhan ke is vigyaan ka na hai mujhe pata
Main to ek aam insaan ke tarah apni galtiyon se seekhna jaanti hoon
khoi rishte ko dobara se seechna chahti hoon

Guzare palon ke baad in doron ko suljhate suljhate ganth badhti jaati hai
har kisi ko waqt ke sath sirf woh gaanth hi dikhti hai
kya koi koshish kar us koshish ko mahsoos karega
gaanthon ke aage bhi asmaan me kai patenge hai
Sab us haar jeet ki hod me aage badhna chahti hai
Main to kati patangon ko jod kar unke dhaagon ko lekar jodti gayii
gaanth se hi sahi magar jodti gayi
lekin is mere tere sahi galat aur poorani ranjishon ki hod me
Aur patange kat kate ke girte gayin
Un kati patangon ko main zameen se batorti gayi
Gaanthon se dhaagon ko jodti gayiin
Pal bhar ki takleefon me jab dhaagon ne kaate mere haath
Un khoon ke boondon ne dard ka abhaas dilaya

Koi un kati patangon se pooche jinke dhaagon se na kabhi nikala ek boond khoon.
Gaanthon se main un dor ko jodti gayi.