Na koi Aahat,na koi shor
Kabhi raat, kabhi din to kabhi bhor
Khamoshi se deti hai dastak
Dil ki dhadkan kar deti hai kamzor.
Usse aage hai kya na humein hai pata
Bas uski chintan hee pahuchati hai sihran.
Apne aas paas ke logon ke baare me soch
bhar ata hai man.
Jinke godd me hum pale bade
Jinhone humein chalna sikhaya ungli pakad
Maa ki mamta,pita ka pyaar
Behen bhaiyon se nonk jhon sage sambandhiyon se takraar
Doston ke saath kaate chand gudgudate pal jab umar thi kachchi
Na chalein hum kabhi sambhal.
Cheen kar le jati hai bina chetawni diye,
Kitni hai yeh kathor.
jahaan khushi is taraf hai aur tu hai nadi ka doosra chhorr.
Ae maut tera agaman na koi kabhi chaha hai
na shayad koi chahega
Lekin hathi hai tu bhi hamari tarah
Haar jeet ke is khel me, tune bhi baazi marna seekh liya.
Ekaant me baithe hi apni saason se lagta hai dar
Kaun jaane kab sunayi de yeh dastak aur aant ho yeh zindagi ka safar..
Maa ki woh khilkhilati hasin pita ka woh pyaar
ek dar sab se sath chutega dil yaad dilata hai baar baar.
Moh na tyaag paa rahi hoon main
Pyaar se na vanchit karo mujhe
Ae mrityu tere aage jhukti hoon main
Kaun jane zindagi ka diya mera kab bujhe.
Subscribe to:
Post Comments (Atom)
No comments:
Post a Comment