Dil hai chota sa, choti si asha

Dil he chota sa, choti si asha
Asha ki wapis ho savera pehle ke tarah
Bhor ki hulchul me school ko nikle bachon ki bas dwaar se uthati unhe,
Neend bhari aankhon me jaan dalne wali chai ki pyali ki tazgi ke chalte, sab apne apne zindagi me phir se ho rame.
Na subah beetne ka pata chale, na shaam dhalne ka, thak ke bachche gehri neend me agle din ki dincharya ki khushi seene me liye phir soke uthe.
Dudh wale ki ghanti ke sath ho phir se nonk jhok,
Kaam wali ke late ane par ek do tane ane pe ho na koi rok
Bartan majhwane ke beech, jab gas me seeti hai bajti, bagal wali bhabiji poochti kaise ho aaj behen ji.
Kheeli kheeli se dhoop jo aangan jo karti hai roshan, sabzi wale ki awaaz se mohalla me ata hai uske badhte kimato ka ek tashan.
Daanti hue use dadi ji karti hai theek,
Isi beech har gareeb ko mil jati hai ghar do ghar se bheekh.
Isi chahal pahal me ho jati hai bhari duphari,
Ab dekho dhoban aake samne hai tehri,
Maile kuchele kapde dete hue kuch idhar ki kuch udhar ki baat karke halka karti hai aurate man ka bhi maail.
Sandhya chadhte hi ghar phir se bhar jata hai logon se. Thake mandhe chere ko milte hai amma ki pyar bhari thali se tripti,
Wohi raat phir se ati hai jisme na hota hai corona ki hatasha aur nirasha ka dar.
Dil hai chota sa, choti so asha,
Zindagi ho phir se wahi, yahi hai meri abhilasha.